លោកឧត្ដមសេនីយ៍ទោ ឃឹម សុកខៃ អញ្ជើញប្រកាសតែងតាំងមុខតំណែងអធិការនគរបាលក្រុងច្បារមន
………………
នៅរដ្ឋបាលក្រុងច្បារមន នារសៀលថៃ្ងទី៣០ ខែតុលា ឆ្នាំ២០២៤ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ បានអញ្ជើញពិធីប្រកាសតែងតាំងមុខតំណែង អធិការនគរបាលក្រុងច្បារមន ថ្មី ដោយមានការចូលរួមពីលោក លោកស្រី ស្នងការរង ទទួលដឹកនាំទិសក្រុងច្បារមន លោកស្នងការរង ទទួលផែនការងារជំនាញ លោកអភិបាលក្រុងច្បារមន លោកប្រធានក្រុមប្រឹក្សាក្រុងច្បារមន លោកអធិការនគរបាលក្រុង ស្រុក លោកមេបញ្ជាការកងរាជអាវុធហត្ថ មេបញ្ជាការតំបន់ប្រតិបត្ដិការសឹករងក្រុងច្បារមន លោកអធិការរងចំណុះក្រុងច្បារមន លោកនាយ នាយរងផ្នែក លោកនាយប៉ុស្តិ៍នគរបាលរដ្ឋបាលទាំង ៥ចំណុះ លោកចៅសង្កាត់ ក្រុមប្រឹក្សាសង្កាត់ មន្រ្ដីជំនាញពាក់ព័ន្ធជាច្រើនទៀត។
យោងតាមប្រកាសលេខ ៦៤៩៣ ប្រ.ក ចុះថ្ងៃចន្ទ ១២កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៤ ខែតុលា ឆ្នាំ២០២៤ សម្រេចផ្ទេរភារកិច្ច និងតែងតាំងមុខតំណែង លោកវរសេនីយ៍ទោ យ័ន្ត សង្ហារ អត្ដលេខ ៧៨៤៦៨ ពីអធិការរង នៃអធិការដ្ឋាននគរបាលខណ្ឌមានជ័យ ចំណុះស្នងការដ្ឋាននគរបាលរាជធានីភ្នំពេញ មកជាអធិការនគរបាលក្រុងច្បារមន នៃអធិការដ្ឋាននគរបាលក្រុងច្បារមន ចំណុះស្នងការដ្ឋាននគរបាលខេត្តកំពង់ស្ពឺ ជំនួសលោកវរសេនីយ៍ទោ សំអាង ផានី ដែលផ្លាស់ប្ដូរទៅបម្រេីការងារនៅស្នងការដ្ឋាននគរបាលខេត្តកំពង់ស្ពឺ។
មានប្រសាសន៍ផ្ដាំផ្ញើក្នុងពិធីប្រកាសតែងតាំងមុខតំណែងអធិការនគរបាលក្រុងច្បារមន លោកអភិបាលក្រុងច្បារមន ទឹម ផានូ បានផ្ដាំផ្ញេីនិងចូលរួមអបអរសារទរចំពោះលោកវរសេនីយ៍ទោ យ័ន្ត សង្ហារ ដែលត្រូវបានថ្នាក់ដឹកនាំតែងតាំងប្រគល់ភារកិច្ចនាឱកាសនេះ លោកបានលេីកឡេីងថា សុភាសិតមួយឃ្លា “ថ្នាក់លេីទុកចិត្ដផ្ដល់ទំនុកចិត្ដ ទេីបប្រគល់ភារកិច្ចជូន និយាយពាក្យស្លោកសត្វស្វា គឺសត្វស្វាក្មេង និងសត្វស្វាចាស់” នេះជាពាក្យន័យធៀបសូមគិតថា មែកឈេីមិនប្រាកដថាមិនពុកផុយនោះទេ សូមប្រយ័ត្នគ្រប់ពេលវេលា បន្ទាប់មកលោកឧត្ដមសេនីយ៍ទោ ស្នងការ បានមានប្រសាសន៍កត់សម្គាល់ណែនាំជាអនុសាសន៍ថា អ្នកមកក្រោយរៀនសូត្រពីគ្នា អ្នកចាស់មុនៗ ពិសេសកត្ដាសាមគ្គីភាព និងចេះទទួលខុសត្រូវនិងអនុវត្ដអោយស្របតាមគោលការណ៍ទាំងកិច្ចការជំនាញមូលដ្ឋាន ប្រធានអង្គភាពគឺជាអ្នកទទួលខុសត្រូវមុនគេលេីកិច្ចការទាំងអស់ ក្នុងនោះការសិក្សាស្វែងយល់អំពីទឹកចិត្ដមន្រ្ដី ទាំងក្ដៅត្រជាក់ ចេះចុះសួរសុខទុក្ខនិងគាំពារមន្រ្ដីក្រោមឱវាទ ការកសាងអង្គភាព ការប្រជុំដកបទពិសោធ និងការពិនិត្យផែនការទិសដៅការងារ ដែលបានដាក់និងលេីកទិសដៅអនុវត្ដបន្ដ មនុស្សណាក៏ចេះខុស និងមានកំហុសដែរ តែការខុសគឺត្រូវបានកាត់បន្ថយអោយនៅកម្រិតទាបបំផុត ជាចុងក្រោយលោកស្នងការ បានលេីកទឹកចិត្ដអោយមានការកសាងអង្គភាពជាមុន តាមលទ្ធភាពជាក់ស្តែង លោកគាំទ្រចូលរួមឧបត្ថម្ភជាថវិកាតាមលទ្ធភាពជាក់ស្តែង និងបានប្រគល់នូវថវិកាដល់អធិការដ្ឋាននគរបាលក្រុងច្បារមន រដ្ឋបាលក្រុងច្បារមន និងអង្គភាពបញ្ជាការដ្ឋានទាំងពីរ ថតរូបអនុស្សារីយ៍៕